HomePolitikë

Përgjimet, Gjiknuri: Sulm politik, PS nuk blen vota

Damian Gjiknuri gjatë një takimi në Vlorë komentoi sërish përgjimet ku doli edhe emri i tij për zgjedhjet lokale të 2016 në bashkinë e Dibrës. Ai tha se Partia Socialiste as nuk blen e as nuk shet vota por figurat kryesore politike të saj po goditen për qëllime të pastra politike.

Ne as blejmë vota e as gënjejmë njerëz. Ata (PD) nuk kanë përfaqësi fare në Vlorë, ata e mendojnë Vlorën në xhep pa qenë këtu. Pra, praktikisht këtë bëjnë në gjithë Shqipërinë dhe kjo është arsyeja pse goditem unë, pse goditet Edi Rama, pse goditen figurat kryesore të Partisë Socialiste.

Sepse ata nuk kërkojnë zgjedhje, ata mjaftohen duke hedhur këto lloj shashkash të gatuara në kuzhinën e Partisë Demokratike dhe duan të nxisin njerëz për dhunë. Ne nuk do ti lejojmë. Ne jemi vërtet përfaqësuesit e denjë të Vlorës ndaj Vlora na voton”, theksoi Gjiknuri.

Kujtojmë që Gjiknuri doli në dy përgjime e publikuara nga BILD duke komunikuar me Arben Keshin dhe Bekim Krashin.


TË NGJASHME