HomePolitikë

Përplasja fizike me artistët, reagon ashpër Presidenti

Presidenti Ilir Meta e ka quajtur si të turpshëm rrethimin e godinës së Teatrit Kombëtar nga forcat e policisë dhe përplasjen fizike me komunitetin artistëve.

Meta ka thënë se kjo është një ngjarje e shëmtuar dhe e turpshme, ndërkohë që i ka bërë thirrje policisë që të respektojë artistët dhe të mos ushtrojnë dhunë fizike ndaj tyre.

“Rrethimi me policë i Teatrit Kombëtar dhe përplasjet fizike me komunitetin e artistëve, të cilët janë aty në mbrojtjen e një prej vlerave të trashëgimisë tonë historike, kulturore e kombëtare, janë një ngjarje e shëmtuar dhe e turpshme.

I bëj thirrje Policisë së Shtetit të respektojë artistët dhe të mos i dhunojë ata fizikisht në ushtrimin e së drejtës së tyre për të protestuar ndaj një vendimi abuziv e korruptiv për prishjen e godinës së Teatrit, dhe as t’i lëndojë ata shpirtërisht, në respekt të dinjitetit njerëzor dhe kontributeve të vyera që kanë dhënë për artin e kulturën kombëtare.

As sampistët e Ramiz Alisë nuk e kanë prekur me dorë Edmond Budinën në dhjetor ’90!

Shumë turp! Shumë turp! Shumë turp!”, thekson Presidenti.


TË NGJASHME