HomePolitikë

Përplasjet te “Unaza e Re”/ Klevis Balliu e Çlirim Gjata, kallëzim penal në Prokurori

banoret e astirit

Nisur nga përplasjet fizike të tre ditëve më parë, mes banorëve të zonës së Astirit dhe punonjësve të IKMT-së e policisë, ish-deputeti i Partisë Demokratike, Klevis Balliu si dhe Çlirim Gjata dorëzuan në Prokurori një kallëzim penal ndaj punonjësve të policisë dhe jo vetëm.

“Ky kallëzim penal është hapi i parë i premtimit të bërë ndaj banorëve. Kallëzimi penal është edhe ndaj kreut të IKMT-së.  Dhunuesit e banorëve duhet të jenë para përgjegjësisë. Hapi i dytë i joni do të jetë dëmshpërblimi i banorëve”, deklaroi Balliu.

Gjata nga ana tjetër u shpreh:

“Në kallëzimin penal janë shkeljet ligjore e kushtetuese. Janë shkelur të drejtat kushtetuese të qytetarëve. Shpërdorim detyre për përdorimin e gazit lotsjellës ndaj banorëve.”


TË NGJASHME