HomeSociale

Pezullohet lundrimi i trageteve në Adriatik, flet Kapiteneria Durrës

tragetet

Moti i keq që ka përfshirë Adriatikun ka mobilizuar në gjendje gatishmërie autoritet e portit të Durrësit. Kapiteneria e përgjithshme e porteve bëri me dije se në det të hapur deti ka shkuar 8 ballë, ndërsa në portin e Durrësit 7 ballë.

Si pasojë e motit të keq kapiteneria e Barit dhe e Durrësit kanë pezulluar lundrimet e trageteve deri në mëngjesin e ditës së mërkurë. Tragetet që duhet të niseshin nga Bari drejt Durrësit mbrëmjen e sotme do të nisen nesër në mëngjes, po kështu edhe nga Durrësi drejt Barit.

Drejtoria e Përgjithshme Detare në Durrës njofton se më 12-13 nëntor moti do të përkeqësohet, për t’u qetësuar pas mesnatës së të mërkurës.

Bregdeti ynë do të përfshihet nga era me drejtim jug-lindje me shpejtësi deri në 40 nyje dhe forca e detit do të jetë 7 shkalla Boufort.

Zonat me mot më të përkeqësuar do jenë Kanali i Otrantos dhe Gjiri i Vlorës. Pritet që deri në mesnatën e ditës së mërkurë era dhe deti të kenë të njëjtin intesitet duke përfshirë gjithë bregdetin shqiptar.

Pas mesnatës së ditës së mërkurë parashikohet një rënie graduale e forcës së erës dhe detit.

Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.


TË NGJASHME