Në orët e nateë, duke filluar nga ora 21:00 të mbrëmjes, e deri në orën 05:00 të mëngjesit, për një javë, shmangni qarkullimin me automjete ne aksin rrugor Orikum – Palasë.
Policia e Vloreë njofton gjithe drejtuesit e mjeteve se për shkak të punimeve që do të zhvillohen duke filluar që sot, aksi do te jete i bllokuar për te gjitha kategoritë e mjeteve.
NJOFTIMI
Njoftohen të gjithë drejtuesit e mjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segmet rrugor do të jetë i kufizuar në të dyja krahët, për të gjitha kategorite e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.
Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).
Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative.