HomeLajmi i Fundit

Policia vë në pranga një 46-vjeçar, ja pse

Goditet një rast i veprimtarisë kriminale në fushën e narkotikëve dhe armëmbajtjes pa leje, ndërsa në pranga ka rënë një 46-vjeçar. Në kuadër të operacionit “Shemria”, u arrestua shtetasi me inicialet P. G., banues në fshatin Shemri të Kurbin.

Burime zyrtare bënë me dije se gjatë operacionit, si rezultat i kontrollit të ushtruar në banesën e tij, shërbimet e Policisë gjetën dhe sekuestruan në cilësinë e provës materiale 0.5 kg lëndë narkotike, fishekë luftarak, 1 kallëp tritoli dhe një granatë difensive me ndezës të pavendosur.

Materialet i kaluan Prokurorisë së Rrethit Gjyqësor Kurbin, për veprat penale “Prodhimi dhe shitja e lëndëve narkotike” dhe “Armëmbajtja pa leje”.