HomeTeknologji

Prezantohet “bisha” turke/ Prodhohet makina e parë ‘Made in Turkey’

Turqia prezantoi prototipin e automobilit vendas, të zhvilluar nga Grupi i Iniciatviës së Automobilit të Turqisë (TOGG), raporton Anadolu Agency (AA).

Ceremonia u realizua në Luginën e Informatikës në rrethin Gebze të provincës industriale Kocaeli, me pjesëmarrjen e shumë zyrtarëve të lartë, përfshirë presidentin Recep Tayyip Erdo?an, krerët e projektit, inxhinerë, ekspertë dhe të ftuar të tjerë.

Prezantohet automobili vendas i Turqisë ( TOGG - Anadolu Agency )
Prezantohet automobili vendas i Turqisë ( TOGG – Anadolu Agency )

Në fjalën e tij në ceremoni, Erdogan tha se Turqia sot po përjeton një ditë historike.

“Sot po dëshmojmë një ditë historike për vendin tonë, realizimin e ëndrrës 60-vjeçare”, tha presidenti turk.

Presidenti i Turqisë, Recep Tayyip Erdo?an mori pjesë në prezantimin e automobilit të Turqisë. ( Presidenca e Turqise / Murat Çetinmühürdar - Anadolu Agency )
Presidenti i Turqisë, Recep Tayyip Erdo?an mori pjesë në prezantimin e automobilit të Turqisë. ( Presidenca e Turqise / Murat Çetinmühürdar – Anadolu Agency )

Duke thënë se mbi 100 inxhinierë turq kanë punuar për të realizuar projektin, ai tha se “Ne nuk blejmë licencë ose leje nga askush, por i përcaktojmë vetë të gjitha tiparet teknike”.

Prezantohet automobili vendas i Turqisë ( Serhat Ça?da? - Anadolu Agency )
Prezantohet automobili vendas i Turqisë ( Serhat Ça?da? – Anadolu Agency )

Erdogan theksoi se Turqia nuk do të lejojë përpjekjet për të penguar prodhimin e veturës së saj.

“Ata arritën të pengojnë prodhimin e Devrim (makina e parë vendase e Turqisë), por nuk do të jenë në gjendje ta pengojnë këtë automobil”, shtoi ai.

Turqia fillimisht u përpoq të prodhojë makinën e vet në vitin 1961, të quajtur Devrim, por ajo kurrë nuk kaloi fazën e prototipit.

thumbs_b2_02fbf29914d14fb4a0e9afe7ff6660b7

“Turqia nuk është vetëm një treg për teknologji të reja, por është bërë një vend që zhvillon, prodhon dhe eksporton ato në të gjithë botën”, tha Erdo?an.

“Automobili nuk do të ndotë mjedisin, për arsye se punon me teknologji me zero-emetime”, shtoi ai.

thumbs_b2_6b18957e3334fe27da6cd154fa390e14

Pas fjalës së tij, me një spektakël të përgatitur, u prezantuan dy modele të automobilit, njëri SUV dhe tjetri Sedan, me ngjyrë të kuqe dhe të bardhë, si referencë në flamurin e Turqisë.
Pas prezantimit, Erdo?an realizoi vozitjen e parë të njërit prej prototipeve të automobilit turk.

– Karakteristikat e automobilit

Në muajin qershor të vitit 2018, pesë gjigantë të industrisë turke, respektivisht Anadolu Group, BMC, Kok Group, Turkcell dhe Zorlu Holding, si dhe organizata ombrellë Unioni i Odave dhe Shkëmbimeve të Mallrave të Turqisë, bashkuan fuqitë për të krijuar nismën TOGG, e cila projektoi automobilin vendas të Turqisë për një periudhë 18-mujore.
Automobili do të prodhohet në dy kategori, njëri me më pak kuaj fuqi që do të mund të punojë me një të mbushur mbi 300 kilometra dhe të arrijë shpejtësinë 100 kilometër në orë në 4,8 sekonda, si dhe ai me më shumë kuaj fuqi që do të mund të arrijë shpejtësinë 100 kilometër në orë në 7,6 sekonda.

thumbs_b2_8935fc8a4e1072efe51472533e696672

Bateria e këtij automobili, e zhvilluar plotësisht nga TOGG, do të mund të ngarkohet deri në 80 për qind në më pak se 30 minuta.
Automobili do të posedojë lidhje interneti, sistemi i të cilit do të jetë në gjendje të azhurnohet përmes internetit, si dhe do të jetë në përputhje me standardet pesëyjëshe të vlerësimit nën Programin Evropian të Automjeteve.

Ai do të sigurojë “ndihmës holografik” me ekran tredimensional dhe teknologji të realitetit të shtuar, që do të përdoret në automobilin turk për herë të parë në vitin 2023.

– Automobili do të ketë pesë modele

thumbs_b2_ae9dd1f6c67679be50cc035b7bac90ea

TOGG deri në vitin 2030 do të prodhojë pesë modele të ndryshme, respektivisht SUV, Sedan, C-hatchback, B-SUV dhe B-MPV, si dhe do të zotërojë të drejtat e pronësisë intelektuale dhe industriale të tyre.
Themeli i fabrikës do të vendoset në vitin 2020 në provincën industriale Bursa. Kostoja e fabrikës pritet të arrijë 22 miliardë lira turke (3,7 miliardë dollarë), ndërsa kapaciteti për prodhimin e automobilit në bazë vjetore do të jetë 175 mijë.

thumbs_b2_848411da02b4d41cb1761e19860a2da8

Fabrika do të ketë 4.323 të punësuar, përfshirë 300 punëtorë të kualifikuar.

Platforma e automobilave elektrike e TOGG-it, e krijuar nga inxhinierët për pesë modelet e automobilit, do të jetë origjinale dhe e patentuar. Platforma do të sigurojë një stukturë për efikasitet maksimal, rehati, qëndrueshmëri dhe siguri.

thumbs_b2_a12d3f4b346994f64349ecdd3b35efa4

Makina vendase po ashtu do të mbështetet nga qeveria turke me zbritje të taksave dhe stimujve.

Burimi: Anadolu agency shqip

thumbs_b2_a9e1c5d70db6be0f5f7d6d21a022db47
thumbs_b2_06b6d4b34a5df8de027cd05754f84d7e
Prezantohet automobili vendas i Turqisë ( TOGG - Anadolu Agency )
Prezantohet automobili vendas i Turqisë ( TOGG – Anadolu Agency )
Prezantohet automobili vendas i Turqisë ( TOGG - Anadolu Agency )
Prezantohet automobili vendas i Turqisë ( TOGG – Anadolu Agency )
thumbs_b2_097c07f862f561c0107bed67fb393a89
thumbs_b2_cfe71d495e434c2cf2a171505f6755e9
thumbs_b2_cd03f020d0249871d960c9d064de268f

TË NGJASHME