HomePolitikë

Priten vendimet surprizë të Presidentit

Pas orës 13:00 presidenti Ilir Meta pritet që të dalë me disa vendime të rëndësishme në lidhje me situatën politike. Burime të sigurta kanë mundur që të zbardhin 3 nga opsionet e vendosura mbi tryezën e kreut të shtetit. Këto opsione mund të jenë të ndara, ose të gjitha së bashku, duke shkaktuar tërmet politik në vend.

Vendimet e Metës janë; dekret për shpërndarjen e Parlamentit; dekret për shpalljen e zgjedhjeve të parakohshme parlamentare dhe dekret për një datë të re zgjedhjesh lokale.

Se cili do të jetë opsioni i zgjedhur nga Presidenti do ta mësojmë pas orës 13.00  kur skadon  edhe afati që kreu i shtetit i ka lënë kryeministri Edi Rama për të zhvilluar një takim për zgjidhjen e krizës. Një ditë më parë ky i fundit tha se nuk ka kohë që të shkojë në takimin e kërkuar nga Presidenti sepse është i zënë me fushatën e zgjedhjeve të 30 qershorit./tch


TË NGJASHME