HomeSociale

Probleme në kontrollin ajror të Francës dhe Spanjës, anullon qindra fluturime

Një problem në kontrollin ajror të Francës ka krijuar një kaos tek udhëtarët në shumë aeroporte të Europës, kryesisht tek ato britanike. Data 1 shtator është një ditë fluksi udhëtimesh pasi pushuesit përfundojnë pushimet dhe kthehen në vendet e tyre të punës.

Kompania “British Airways” ka anulluar disa fluturime nga aeroporti “Heathrow” i cili ndodhet në Londër. Fluturimet e anulluara janë drejt Athinës, Berlinit, Barcelonës Lisbonës, Romës dhe disa qyteteve të tjera. Përveç anullimeve janë të shumta shtyrjet e udhëtimeve me nga 2-3 orë.

“Njësoj si kompanitë tjera, edhe ne jemi prekur nga problemi i kontrollit ajror që lidhet me hapësirën ajrore të Francës dhe Spanjës”- tha një zëdhënës i kompanisë duke i kërkuar falje udhëtarëve për problemin e krijuar.

Edhe kompania lowcost “EasyJet” ka pasur disa anullime të fluturimeve. Kompania ka anulluar fluturimet drejt Amsterdam, Edinburg dhe Mynih.

Nuk ka sqarime se kur mund të zgjidhet problemi i krijuar dhe fluturimet t’i kthehen normalitetit.


TË NGJASHME