Aktualitet Lajme Sociale

Protestat për HEC-in në Skrapar, pezullohen punimet

Pas protestës së banorëve të fshatit Backë në Potom të Skraparit, kundër ndërtimit të një HEC-it që sipas tyre rrezikonte të linte pa ujë të gjithë fshatin, kanë reaguar institucionet përgjegjëse shtetërore, të cilët kanë bllokuar edhe vijueshmërinë e punimeve.

Banorët pas protestës kanë shkruar në lidhje me shqetësimin e tyre edhe në Portalin e Kryeministrit për Qeverisjen Vendore dhe në zonë kanë mbërritur përfaqësuesit e AKBN-së, që kanë bërë edhe verifikimet përkatëse. Pas inspektimit të bërë nga inspektorët e AKBN-së, janë pezulluar punimet e HEC-it në fshat dhe në zonën e burimit deri në nxjerrjen e raportit përfundimtar të ABPN-së.

Drejtuesit e HEC-it në fshatin Backë të Skraparit kanë deklaruar se punimet e hidrocentralit janë bërë në përputhje me projektin e miratuar nga Ministria e Ekonomisë dhe Energjetikës, ku parashikohet qartë që HEC-i do të ndërtohet në kuotat 1535 metër dhe jo në kuota më të ulëta siç pretendojnë banorët.

Po kështu drejtuesit e HEC-it kanë deklaruar se marrja e ujit të hidrocentralit do të bëhet disa qindra metra më poshtë burimit “Kroi i Mbretit”  dhe kjo nuk pengon aspak furnizimin me ujë për të pirë e për vaditje për banorët e fshatit Backë. Ndërkohë që drejtuesit e HEC-it kanë nënshkruar e firmosur edhe një marrëveshje me banorët e zonës, ende sot nuk është arritur një marrëveshje me banorët që vazhdojnë protestat. Kjo ka bërë që punimet e HEC-it të pezullohen në fshat dhe në burim, ndërkohë që punëtorët e HEC-it po punojnë vetëm brenda godinës së veprës.

130 familjet e fshatit Backë,në Potom të Skraparit kanë deklaruar se projekti i HEC-it lë pa ujë gjithë fshatin, pasi bllokon burimin “Kroi Mbret”, nga i cili fshati merr ujë për të pirë, për nevojat vetjake dhe për bagëtitë në stane.

Related posts

Takimi me Palmer, Meta tregon për çfarë diskutuan

Mila

Pamjet që po tronditin politikën në M.Veriut

Klaudia gotanews

PD reagon për zgjedhjet në Akademinë e Shkencave

Mila
Na Kontaktoni!