HomePolitikë

Presidenti nuk njeh 30 Qershorin, Rama mesazh Metës

Kryeministri Edi Rama gjatë një takimi me banorët e njësisë numër 2 në Tiranë i është përgjigjur Metës, pasi ky i fundit u shpreh mëngjesin e sotëm se 30 qershori nuk ekziston si datë zgjedhjesh.

Rama tha i prerë se nuk ka asnjë shans që zgjedhjet të mos zhvillohen më 30 qershor, pasi sipas tij, kush do të zgjidhet, duhet të paraqitet në zgjedhje. Sipas tij, vendimi i opozitës për të mos u futur në zgjedhje është një vetëvrasje politike spektakolare.

Gjëja më e rëndësishme për ne është që procesi të jetë sa më korrekt. Mungesa e kundërshtarëve e bën të komplikuar fushatën nga një anë tjetër, sepse një pjesë thonë s’ka kundërshtarë, s’ja vlen, do ikim në plazh, një pjesë tjetër thonë s’jam duke shkuar se vota ime është e fshehtë.

Por do duhet vëmendje e madhe për të pasur proces të rregullt. Secili mund të zgjidhet, nëse dëshiron të paraqitet, pastaj secili në mendjen e vet do me u zgjedh apo jo. Është një vetëvrasje politike spektakolare, por nuk kemi çfarë të bëjmë ne. Nuk ka shans të ndodhë kjo që thonë ata “unë nuk jam gati për ndeshje, ti s’do hysh në stadium”, tha Rama.


TË NGJASHME