HomePolitikë

Rama publikon shifrat, ja sektori që ka shënuar rritje të eksporteve

Edhe pse në kushte të jashtëzakonshme, me një krizë të thellë të shkaktuar nga koronavirusi, aktiviteti në sektorin bujqësor, ka vazhduar me ritme të larta. Madje nga ajo çfarë raportohet nga Drejtoria e Doganave, eksportet bujqësore të mars 2020 kanë shënuar rritje me 18%, krahasuar me mars 2019.

Këto të dhëna i ka bërë publike kryeministri Edi Rama i cili, nëpërmjet postimit në facebook, i bën thirrje fermerëve dhe blegtorëve të vazhdojnë punën normalisht.

Postimi i plotë:

SHIFRA ZYRTARE DHE FAKTE NGA PUNA NË FSHAT

Edhe pse në një situatë të jashtëzakonshme aktiviteti në sektorin bujqësor vijon, madje sipas të dhënave zyrtare nga Drejtoria e Doganave, vetëm gjatë muajit mars 2020 kemi 18% më shumë eksporte të prodhimeve bujqësore krahasuar me marsin 2019.

Edhe tre muajt e parë të këtij viti janë me rritje krahasuar me të njëjtën periudhë të vitit të shkuar.

Askush nuk e parashikon dot se sa do të zgjasë lufta. Deri tani, falë punës së admirueshme në fshat, ku edhe rreziku është i ulët dhe lejeve të punës për zinxhirin e aktivitetit prodhues, grumbullues e shpërndarës, konstatojmë me gëzim se qëndrueshmërinë e sektorit në tërësi – ndonëse ka një çekuilibrim të tregut për disa produkte të caktuara që mbetet një problem i krijuar nga lufta.

Fermerët dhe blegtorët do të vijojnë punën normalisht, duke iu përshtatur me vetëdije e këmbëngulje, masat individuale mbrojtëse ndaj armikut.


TË NGJASHME