HomeSociale

Reagon ashpër ish-deputeti Ndoka

Ish-deputeti Arben Ndoka ka reaguar ashpër pas vendimit të Prokurorisë së Krimeve të Rënda, e cila i sekuestroi pasuritë me vlerë 40 milionë euro.

Ai pohon se akuzat ndaj tij janë hiperbolizuar ndërsa shton se nuk e di se ku janë këto prona, të cilat iu sekuestruan nga Prokuroria e Krimeve të Rënda.  Ndoka me një reagim në “Facebook” shprehet se nuk ka asnjë metër tokë të sekuestruar e as të pa sekuestruar.

Ish-deputeti i Partisë Socialiste, Arben Ndoka, u vu në pranga në tetor të 2018, gjatë operacionit të policisë të koduar “Volvo 4”.

“Shpesh here viteve te fundit qe pas angazhimit tim ne politike , akuzat ndaj meje hiperbolizohen. Nuk e di ku jane keto prona qe me paskan konfiskuar mua, kur une nuk kam asnje meter toke askund.

Pse nuk e dokumentoni me fakte atehere meqenese me papergjegjshmerine me te madhe postoni lajme te tilla mediokre? Prokuroria mund te sekuestroje dhe detin Adriatik, por une nuk kam asnje meter toke te sekuestruar e as te pa sekuestruar. Ska shans as prokuroria, as portalet, as oficeret gjyqesor profesionist te konstatojne prona apo firma te falsifikuara qe kane te bejne me mua.Akuzat ndaj meje dhe arrestimi im dihet ku e ka bazen..!”, shkruan ai.


TË NGJASHME