HomeLifestyle

Receta e vjetër arbëreshe që e pëlqejnë edhe italianët!

Kjo ëmbëlsirë e thjeshtë i ka rrënjët në traditën e lashtë Arbëreshe.
Petët e mbushura me fruta janë një recetë shumë e veçantë e cila në familjet arbëreshe kalohet brez pas brezi edhe në ditët e sotme. Kjo është ëmbëlsira tradicionale e festave për komunitetin arbëresh në Itali.Tipike për rastet e festave, kjo recetë është një nga ushqimet më të njohura dhe më të thjeshta në të gjithë fshatrat Arbëreshe.
Për të përgatitur këtë ëmbëlsirë duhen:

Përbërsit:
500 gr miell
1 lugë kafeje kripë
1 lugë çaji sodë
100 ml vaj ulliri
2 vezë
1 lugë çaji kanellë
100 gr rrush i thatë
100 gr arra
100 gr bajame100 lajthi
100 gr sheqer
250 mjaltë (sipas dëshirës)
150 – 200 ml ujë

Përgatitja:

Bashkoni miellin, sheqerin, ujin dhe kripën.
Teksa përzieni miellin hidhni sodën dhe vazhdoni të punoni me duar miellin derisa të jetë formuar brumi.
Lëreni burimin të pushojë për disa orë në një vend të errët dhe të thatë. Më pas ndajeni brumin në 4 – 5 topa të vegjël.
Merrni një nga copat e vogla të brumit që ndatë dhe filloni të hapni një pëtë mesatare. Herë pas here spërkatini petët me miell në mënyrë që të mos ngjiten.
Bëjeni këtë derisa të mos keni më kulaçe brumi.
Pasi të keni hapur petët lyejini me vaj ulliri dhe spërkatini me pak sheqer.
Thërrmoni arrat dhe frutat e thata duke i përzier me sheqer, kanellë dhe mjaltë sipas dëshirës duke i shtruar me lugë në të gjithë sipërfaqen e petëve.
Prisni me thikë petën në rripa të hollë të cilët më pas mblidhini në formë roleje.
Petët do të marrin formën e një trëndafili.
Vendosini pranë njëra tjetrës në tepsi dhe piqini në 180 gradë rreth 40 minuta derisa petët të kenë marrë një pamje të artë.
Lëreni ëmbëlsirën të ftohet e më pas shijojeni.

 


TË NGJASHME