HomeLajmi i Fundit

Rushaj kundër referendumit të FRPD: Përjashtimi i Berishës brenda standardit të partisë

Kreu i grupit parlamentar i Partisë Demokratike, Alfred Rusha ka komentuar lidhur me vendimin e marrë nga kreu i PD Lulzim Basha për përjashtimin e Sali Berishës bga grupi parlamentar.

Pas pretendimeve të FRPD, ku thuhet se Basha ka shkelur statutin e partisë, Rushaj sqaron se një gjë e tillë nuk ka ndodhur dhe se vendimi i bashës i përmbahet çdo standarti që ka partia, pasi çdo person i shpallur non-grata dhe nëse prek historinë, siç ka ndodhur në rastin e Sali Berishës, nuk mund të jetë më pjesë e grupit parlamentar.

Po ashtu Rusha thekson se Basha ishte në një pozicion të vështirë, pasi që para shpalljes së Berishës non-grata, rregulli i PD ishte “përjashtimi nga grupi”, madje Berisha nuk duhej të ishte fare pjesë e listave, por ishin të tjerë që ngulën këmbë, shpjegoi ai.

“Vendimi që është marrë për doktor Berishën është i vështirë dhe ngjall emocione nga një pjesë e mire dhe simpatizantët e PD-së. Unë jam munduar që ta vë veten në lëkurën e Bashës dhe të zotit Berisha dhe është një pozicion shumë i vështirë. Duhet thënë se jashtë diskutimeve me presionin dhe kërkesat e ndryshme që kanë bërë partnerë tanë është e rëndësishme që ne të kemi parasysh se ka pasur parasysh një standard. Standardi është árma më e madhe që ka një politikan për të krijuar besim tek qytetarët. PD-ja në mënyrë zyrtare ka kërkuar në mënyrë zyrtare që çdo person që është pjesë e PD-së dhe është shpallur nën grada dhe të përjashtohet nga grupet parlamentare, dhe pse ne e dimë se Berisha nuk ka vend në atë listë por ishin të tjerë ato që e përfshin ë emrin e tij.

Ne e aplikojmë standardin dhe kur bëhet pjesë për historinë tonë, Berisha për çdo demokrat konsiderohet si personi që bëri një bètèjë pa kompromis për rrëzimin e komunizmit. Cilësohet si personi që ka punuar dhe është personi kryesor që arriti sukses në nismat që ka marrë. Ka qenë një vendim i vështirë, por kjo tregon se PD-ja është e vendosur për të zbatuar një standard që vijon të na krijojë dhimbje,

Ne e mendojmë dhe e besojmë që kjo gjë do të mund të rregullohet rrugën që Berisha ka marrë për përcaktimin e pozicionit të tij do të ketë një drejtim të mirë për të he për Partinë Demokratike”, është shprehur Rushaj.

Ndërkohë ai është shprehur se nuk është dakord me ákuzat e bëra së fundmi nga Berisha, në lidhje me këtë vendim që sipas tij është brenda standardit të partisë.

Ndërsa sa i përket për ndonjë plan tjetër që PD ka pas ngjarjeve të fundit, ai është shprehur se vetëm një plan është në këtë nismë dhe beson se Berisha nuk ka qëllim përçarjen e partisë.

“Unë e kam dëgjuar Berishën në ligjërimin e tij të fundit dhe nuk ndaj mendimin që ai ka jashtë çdo lloj kërkese të tij të ligjshme për të zbatuar statutin, ndaj çdo lloj pozicioni e kuptoj vendimin dhe nuk ndaj të njëjtin mendim për ákuzat që ai ka bërë.

Nuk ka plan B unë e besoj Berishën kur thotë se nuk ka në plan përçarjen e Partisë dhe duhet bërë shpjegimi i vendimmarrjes.  Nga qëndrimi jonë për zgjedhjet e 25 prillit nuk ka ndryshuar asgjë dhe grisja e fletëve të votimit për kryetaren e parlamentit ishte një mesazh për të treguar se nuk jemi dakord me atë që u ndodhi shqiptarëve në 25 prill. Në mënyrë të hapur dhe në një precedentë që nuk është krijuar nga 30 vjet, opozitës iu mohua përfaqësimi në komisionet parlamentare një e drejtë që e jep rregullorja e kuvendit dhe kushtetuta. çfarë duhet të bëjmë ne?”, ka thënë ai.


TË NGJASHME