HomeRajon

Sekuestrohen mbi 38 kg drogë në kufirin greko-shqiptar, dy të arrestuar

Mbi 38 kg marijuanë janë sekuestruar në kufirin greko-shqiptar. Operacioni është zhvilluar në Sajadhe dhe Igumenicë, ku është ndaluar një automjet që vinte nga kufiri i gjelbër.

Sipas medieve fqinje, në bagazh dhe sediljet e pasme të makinës janë gjetur dhe sekuestruar nga policia greke 37 pako me 38 kg e 410 gram marijuanë. Ndërkohë, në pranga kanë rënë dy persona, njëri prej të cilëve është shqiptar, ndërsa kombësia e tjetrit nuk bëhet e ditur.

Kujtojmë se prej fillimit të vitit policia greke ka sekuestruar kryesisht pranë kufirit, por edhe ne zona te tjera, rreth 9.5 tonë marijuanë që dyshohet se vinte nga Shqipëria.


TË NGJASHME