HomePolitikë

Shahistja shqiptare që jeton në Izrael flet për konfliktin: Kjo është organizata gjakpirëse, njëlloj si Enver Hoxha

Konflikti mes Izraelit e Palestinës dhe sulmet e fundit mbi popullin palestinez kanë marrë vëmendjes e botës teksa numri i viktimave kalon shifrën 150, mes tyre 40 fëmijë.

Lidhur me këtë konflikt ka foluar shahistja shqiptare, Irena Steinova, e cila jeton në Izrael dhe sipas saj përgjegjëse për këto sulme është organizata e Hamas.

Steinova e ka quajtur këtë organizatë “gjakpirëse” duke e krahasuar me ish-diktatorin e Shqipërisë Hoxha.

Intervista e Irenës për Faxweb:

Konflikti? Një gjë tepër e ulët nga ana e Hamasit. Izraeli nga halli se i gjuan familjeve të vetë, ai duhet të mbrohet. Fatkeqësisht në lagjen tim sot ra një raketë që prishi një lagje të tërë. Fshihen pas grave që Izraeli të mos i gjuajë. Kur arrin në konkluzionin që po vritet fëmijët e gratë e Izraelit, atëherë ai gjuan që të mos ndodhë më. Gjuhen dhe fshatrat arabe që janë në bashkëjetesë. Përse e bën këtë gjë? Për të arritur objektivat e tij të çmendur. Unë si individ vesha bluzë të bardhë për të thënë se jam për paqe. Fajin e ka Hamasi. Më vjen keq dhe më dhemb shpirti për popullin palestinez dhe izraelit. Ata vazhdojnë të gjuajnë. Prandaj thotë keni kohë gjysëm orë për t’u larguar nga shtëpia. Ai pallat po shembet sepse është zyra e Hamasit. Ushtria izraelite është e detyruar të gjuajë aty.

A po sulmon Izraeli Hamasin?

Po po është e vërtetë, Izraeli e ka deklaruar në tv e tij, që ai do ta dëmtojë Hamasin në mënyrë të tillë që të paktën për disa vite populli izraelit të ketë qetësi dhe të mos arrijë Hamasi të organizohet. Ata u futen nëpër tunele që t’i kapnin rob ushtarët izraelitë dhe të bënin pazare. Por Izraeli i futi ata në kurth dhe ka vrarë shumë ushtarë të Hamasit. Hamasi është armik i popullit të tij. Ashtu siç kishim ne Enver Hoxhën 40 vjet, ashtu kemi dhe ne Hamasin. Jam kundra Hamasit sepse është thjesht gjakpirës, gjakderdhës, asgjë tjetër.

Ata nuk gjuajnë vetëm me gurë, ata gjuajnë dhe me raketa. Këto nuk janë myslimane, janë pseudomyslimanë. Sepse myslimanët janë kundër vrasjeve. Janë thjesht njerëzit e Hamasit që fshihen pas fustaneve të grave dhe pas fëmijëve. Hamasi është njësoj si Enver Hoxha, dhe më vjen keq se unë e kam përjetuar atë kohë.

Sa mund të zgjasë konflikti?

Shpresojmë të mbarojë për dy-tre ditë. Ka zëra se Izraeli dëshiron që të mbarojë për 2-3 ditë. Dihet që fjalën e fundit do e thotë Hamasi. Në momentin që do ketë armëpushim, jam e bindur që Hamassi do të gjuajë raketat e fundit drejt popullit të Izraelit. Kanë ardhur amerikanët për të negociuar. Hamasi ka kushtet e veta.


TË NGJASHME