Kronikë Lajme Lajmi i Fundit

Shembet muri i kabinës dhe i merr jetën 41 vjeçarin, arrestohet në flagrancë inxhinieri

Një inxhinier ka përfunduar në prangat e policisë së Pogradecit, pasi një 41 vjeçar humbi jetën teksa punonte për zëvendësimin e kabllove në një kabinë elektrike.

E.Ç., 37 vjeç, banues në Tiranë u arrestua në kushtet e flagrancës, pasi sipas policisë, nuk ka zbatuar rregullat e sigurimit teknik. Policia sqaron se 41 vjeçari banues në Babrru në Tiranë, gjeti vdekjen pasi u shemb muri i kabinës.

Njoftimi:

Arrestohet në flagrancë për veprën penale “Shkelja e rregullave të mbrojtjes në punë”, inxhinieri mbikqyrës i kompanisë që kryente punime në kabinën elektrike, në të cilën si pasojë e rrëzimit të një muri, gjeti vdekjen punëtori P.M.

Në vijim të veprimeve hetimore të kryera për zbardhjen e ngjarjes së ndodhur më datë 31.10.2019, në lagjen nr.5, ku gjatë punës për zëvendësimin e kabllove në një kabinë elektrike, ka gjetur vdekjen një 41-vjeçar, specialistët për Hetimin e Krimeve në Komisariatin e Policisë Pogradec, nën drejtimin e Prokurorisë pranë Gjykatës së Shkallës së Parë Pogradec, bënë arrestimin në flagrancë të shtetasit E.Ç., 37 vjeç, banues në Tiranë.

Nga verifikimet e kryera rezulton se, shtetasi i mësipërm me detyrë inxhinier mbikqyrës pranë një kompanie nën kontraktore e cila po kryente punime në kabinën elektrike, nuk ka zbatuar rregullat e sigurimit teknik pasi gjatë punës brenda në këtë kabinë, është shembur një mur dhe për pasojë ka gjetur vdekjen punëtori P.M, 41 vjeç, banues në Babrru, Tiranë.

Related posts

Vritet me armë zjarri një 35-vjeçar në Shkodër

Rezultatet/ Edhe disa votat nga diaspora shkuan…

Mila

De Ligt “shpëton” Juven, ekipi i Sarrit fiton derbin me Torinon

Mila
Na Kontaktoni!