HomeUdhëtime

Shqipëria në destinacionet më të mira sipas Lonely Planet

LonelyPlanet”, faqja e njohur e internetit që u kushtohet udhëtimeve turistike, ka publikuar listën e vendeve më të mira për të vizituar në vitin 2019. Aty është përmendur dhe Shqipëria, duke e krahasuar atë me vende si Argjentina, SHBA-ja, Egjipti, etj.

“Shqipëria për një kohë të gjatë ka qenë kufiri i fundit i Europës. Ajo është një qoshe me një vlerë të madhe që ka qëndruar e fshehur, me plazhe të mrekullueshme, histori unike dhe ku nuk ka turma turistësh si në Mal të Zi dhe në Greqi”, shkruan “LonelyPlanet” duke e konsideruar si një prej vendeve më me vlerë.

Portali i udhëtimeve nuk lë pa komentuar as kuzhinën shqiptare apo arkeologjinë duke u shprehur se ”gatimet shumë emocionuese të këtij vendi lartësojnë aromat unike dhe lokale dhe ofrojnë vakte vërtetë të veçanta”.

Artikullin e përfundon duke shtuar ”Edhe pse zonat arkeologjike si Apolonia dhe Butrinti, që janë një përzierje unike e influencave të ballkanike, mesdhetare dhe italiane, nuk janë më një sekret, Shqipëria mbetet një destinacion ku mund të ngjitesh në male të bukura, të qëndrosh në fshatra të vegjël që duken sikur kanë dalë nga koha dhe të eksplorosh Tiranën, kryeqytetin e zhdërvjellët duke shpenzuar shumë më pak se sa kudo tjetër në Europë”.


TË NGJASHME