HomeLajmi i Fundit

Shqiptarit i vënë prangat në aeroport, sa ishte kthyer nga Tirana

Arrestohet nga policia italiane një shqiptar 25-vjeçar i kërkuar si pjesë e një bande që shfrytëzonte vajzat për prostitucion.

Mediat italiane shkruajnë se shqiptari, emri i të cilit nuk bëhet i ditur u prangos në aeroportin e Torinos, sapo kishte mbërritur me avion nga Tirana.

Hetimet për bandën në të cilën bënte pjesë 25-vjeçari kishin nisur që në vitin 2016, pas denoncimeve të bëra nga disa vajza, të cilat ishin kërcenuar me vdekje nëse nuk u bindeshin tutorëve.

Hetimet zbuluan në atë kohë aktivitetin kriminal të grupit dhe faktuan me prova akuza për 11 shqiptare, të cilët merreshin me trafikun e femrave dhe nxjerrjen e tyre në rrugë për prostitucion.

Femrat ishin kryesisht shqiptare. Policia italiane ndërkohë vijon kërkimet edhe për tre shqiptarë të tjerë, por pa dhënë detaje rreth identitetit te tyre.