HomeSociale

Si të ndërtojmë marrëdhënie efektive me kolegët e punës

Të jesh shumë pak i imponueshëm apo tepër shumë entuziast mund t’ju çojë deri aty që kolegët t’ju konsiderojnë si të pabesueshëm ose joprofesionist.

Ja disa gjëra që s’duhet t’i bëni asnjëherë në ambjentet e punës:

Mos flisni me ton të frikësuar dhe të pasigurt

Nëse keni pyetje për shefin, thoni qartë se çfarë ju duhet. Dr. Peggy Klaus thotë që nëse nuk jeni mjaft i drejtpërdrejt, me siguri nuk do të merrni atë që dëshironi. Shmangni fjalitë si p.sh.: “E di që jeni të zënë, mirëpo nëse nuk ju marr shumë kohë, mbase do të mund të takohemi?”

Pyetjet duhet të jenë të thjeshta dhe të sinqerta: “A mund të takohemi sot? Duhet të bisedojmë për atë temën”.

Këshilla është edhe që të shmangni kërkimin e tepërt të faljes, pos në rast kur vërtet është e nevojshme.

Mos tingëlloni tepër entuziaste kur dërgoni e-mail

Gjatë dërgimit të e-maileve, nuk bën të përdorni të njëjtën dozë entuziazmi sikur korrespondoni me miqtë. Mos përdorni shkronjat e mëdha dhe pikëçuditjen.

Ekspertja i bontonit afarist, Jacqueline Whitmore, thotë:

“Shumica e njerëzve i konsiderojnë e-mailet si korrespondencë të zakonshme. Duhet t’u shkruani duke konsideruar që shefat tuaj lexojnë tonin e porosisë”. Nëse vini pikëçuditje apo smile, do të mendojë që jeni shumë të papjekur dhe kjo mund t’ju pengojë që dikush t’ju kuptojë seriozisht.

Nëse dëshironi të dukeni profesioniste, vendosni pikën në fund të fjalisë. Përjashtim është kur në të vërtetë sinqerisht uroni dikë, atëherë një pikëçuditje është e mjaftueshme.

Mos pranoni çdo gjë që ju ofrohet

Mos e vini vazhdimisht veten në pozitën e pastrueses së zyrës dhe të planifikuesit të kremteve të ditëlindjeve. Femrat shpesh paraqiten vullnetarisht për këtë lloj të punëve në mënyrë që t’u ndihmojnë të tjerëve, mirëpo për shkak të viktimizimit shumë të madh, njerëzit mund të mendojnë që mund t’ju shfrytëzojnë, ndërsa juve njëkohësisht ai lloj aktiviteti ju largon nga obligimet afariste.

Herën tjetër kur dikush t’ju detyrojë që të kryeni punë amvisash në zyrë provoni të thoni: Fatkeqësisht, tani për tani nuk mund të merren me atë punë. Më duhet patjetër të përfundoj detyrën afariste”.


TË NGJASHME