HomeRajon

Stoltenberg: Shpresoj në dhjetor Maqedonia e Veriut të bëhet anëtare e NATO-s

Lidhur me procesin e ratifikimit të protokollit për anëtarësim e Maqedonisë së Veriut në Aleancë, Sekretari i Përgjithshëm i NATO-s, Jens Stoltenberg shpreson se do të përfundojë deri në dhjetor të këtij vit, dhe se në samitin e ardhshëm të NATO-s në Londër vendi do të bëhet anëtare e plotë e saj.

Stoltenberg e dërgoi këtë mesazh një ditë para fillimit të mbledhjes ministrore për mbrojtje e cila do të mbahet nesër dhe pasnesër në Bruksel dhe në të cilën do të marrë pjesë edhe ministrja e mbrojtjes, Radmilla Sheqerinska.

“Të gjithë aleatët e nënshkruan protokollin për anëtarësim në shkurt dhe pastaj filluan me ratifikimin. Ratifikimi po shkon mjaft shpejtë, ashtu siç u bë anëtare Mali i Zi, nevojitet një vit kohë. Nuk varet prej meje se sa shpejtë do të ratifikojnë, por do të ishte mirë nëse do të përfundonin deri në dhjetor kur në Londër do të mblidhen liderët. Nëse nuk bëhet atëherë, presim që të bëhet shpejtë pas saj”, deklaroi Stoltenberg.

Ai theksoi se Maqedonia e Veriut i plotëson të gjitha standardet për anëtarësim në NATO.


TË NGJASHME