HomeLajmi i Fundit

“Të pres fytin!”/ Shokon dëshmia e tre të miturve, zbardhen detaje nga atentati i Shkozetit

Gjatë ditës së sotme gazetarja investigative Klodjana Lala, ka folur për News24 lidhur me një nga dosjet më të komplikuara të SPAK, që lidhet me atentatin në Shkozet, ku ishte i përfshirë dhe një prokuror.

Ajo ka folur rreth një dëshmie të dhënë nga tre vëllezër të mitur, të ndodhur rastësisht pranë vendngjarjes, të cilët kanë treguar se kanë parë atentatorët reksa largoheshin nga atentati i Shkozetit në vitin 2019.

Fëmijët kishin qënë në tokën e tyre, kur atentatori i dyshuar Redjon Rraja, ka ndaluar makinën, ka hequr maskën dhe ka vendosur armët në serdiljen e pasme.

Më pas vjen një automjet tjetër nga Durrësi, dhe një prej personave që zbret kërcënon Rrajën me fjalët ‘’Do të të pres fytin’’, shprehet njëri nga të miturit.

Nga ana tjetër të miturit janë larguar në shtëpi për t’i rrëfyer të atit gjithë ngjarjen, dhe ky i fundit pasi ka folur me një mikun e tij dhe është siguruar që automjeti nuk ishte prekur ka njoftuar Policinë.

Të miturit do të paraqiten në GJykatë, ku do të përballen me Redjan Rrajën, i cili është i akuzuar dhe i dyshuari kryesor për këtë ngjarje, duke qënë se ai është edhe kryetari i një grupi kriminal.

Ajo që mbetet ende mister lidhet me shkaqet e atentatit të cilat as në dosjen e SPAK nuk gjenden.

Ajo që është e qartë deri tani është se në shënjestër kanë qënë tre personat, prokurori, “Rrumi Shijakut” si dhe shoferi.

DEKLARATA E PLOTË E KLODIANA LALËS

”Sipas Prokurorisë është dhe një tjetër person, që ka qenë drejtues i automjetit. Po vijojnë hetimet dhe për urdhëruesit e krimit.

U gjetën shumë prova që e lidhën Rrajën me këtë krim. E braktisi automjetin në Shkafanë, në periferi të Durrësit. Automjeti nuk u dogj. U gjetën jo vetëm armët, por edhe një palë syze të Rrajës, të personalizuara. Në makinën e krimit janë përftuar ADN, ndërkohë që një profil ADN nuk rezulton i përputhshëm me të skeduarit më parë.

Arjon Halilaj nuk rezulton të ketë marrë pjesë direkt, por pati të tjera kontakte, dhe largoi dy atentatorët.

Kreu i grupit ishte Redjan Rraja që kishte krijuar grupin kriminal pjesë dhe Arjon Halilaj dhe një tjetër. Por ka dhe të tjerë. E kishte krijuar 1 muaj më parë, synonte të eliminonte të gjithë. SPAK e  arsyeton se Redjan Rraja dhe Arjon Halilaj për të paktën 1 muaj kanë vëzhuar lëvizjet e tyre. Nga ana tjetër edhe në mënyrën si është qëlluar, SPAK konstaton se grupi kriminal ka pasur qëllim të eleminojë, cili ishte motivi, ky është mister.

Arjol Halilaj që ishte ndihmës, ka siguruar automjetet që u përdorën në krim. Targat rezultojnë të jenë vjedhur në Tiranë. Ka pasur denoncime për rastet konkrete. Nëse ka ose jo persona të tjerë të përfshirë, dëshmitë e shumta thonë që janë të tjerë persona që kanë pasur dijeni dhe janë përfshirë. Flitet edhe për dy persona të tjerë, që kanë debatuar me Rrajën pasi nuk realizoi dot detyrën deri në fund. Janë tre vëllezër të mitur që do dëshmojnë, kanë parë dy persona që ishin në automjet, thonë që hoqën kapuçat, lanë dhe armët e krimit në sediljen e pasme të automjetit. Menjëherë informuan babain e tyre, ai thotë se ka lënë punën dhe pa tre djemtë e shokuar. Fillimisht njoftoi mikun e tij, më pas pyeti të bijtë nëse kishin prekur apo jo automjetin.

Pasi u sigurua, ka njoftuar Policinë dhe vetë thotë se nuk e ka prekur. Dy nga vëllezërit pretendojnë se dy personat kur braktisën, ka ardhur një Benz nga Durrësi, dhe njëri e ka kërcënuar Redjan Rrajën.

Do të të pres fytin thotë një nga të miturit, mora biçikletën shton dhe u ktheva në shtëpi. Në ndjekje të këtyre personave është vendosur Prokuroria.

Ka qenë një pamje vizive shumë e shkurtër e vëllezërve me ekzekutorët. Por si erdhën, si u larguan, në fakt flasin për dëshmia e fëmijëve të mitur përputhen me provat e tjera. Ata pritet të përballen me psikologun dhe seancë me Redjan Rrajën. Janë krime të rënda.
Redjan Rraja pretendon se është ndodhur në qytetin e Durrësit. Ka shkuar për kolaudimin, dhe duke paguar taksat. Dëshmia e tij nuk përputhet me të tjerat. Sipas punonjësve të Drejtorisë së Transportit Rrugor, nuk ka shkuar ai, por Arjol Halilaj që kreu të gjitha veprimet. Redjan Rraja pretendon se është kthyer në 17:00 pasdite, nga Durrësi në Tiranë dhe në Fushë-Krujë. Kur rezulton se automjetin e tij e kanë përdorur të tjerë. Pra bie alibia.

Nuk besoj se ka mbrojtje zyrtare për vëllezërit e mitur, dosja u është shpërndarë avokatëve. Janë duke vijuar hetimet. News24 disponon gjithë dosjen hetimore. Detyrë e institucioneve që nëse jeta rrezikohet. Nuk janë marrë në mbrojtje.”- tha Lala.