HomePolitikë

Thaçi: Dialogu duhet të jetë i pakushtëzuar

Institucionet e Kosovës mbeten të palëkundura në mbajtjen e tarifës në fuqi, ndonëse presioni i BE-së për heqjen e taksës ndaj produkteve serbe sa vjen e shtohet.Teksa heqjen e taksës e kërkoi edhe delegacioni gjermano-francez që e vizitoi të hënën Kosovën, deputetët vlerësojnë se edhe nëse taksa hiqet Serbia nuk do të rikthehet në tavolinë të bisedimeve

Janë bërë 7 muaj që kur Qeveria e Kosovës kishte vendosur taksë 100% ndaj produkteve serbe dhe boshnjake si kundërpërgjigje ndaj propagandës lobuese të shtetit serb ndaj Kosovës, mirëpo as pas 7 muajve Qeveria e Kosovës nuk ka ndërruar qëndrimin e saj në raport me këtë taksë.

Heqjen e taksës e kërkoi edhe delegacioni nga Franca dhe Gjermania, i cili e vizitoi Kosovën të hënën, mirëpo krerët e shtetit edhe pas këtij takimi theksuan se taksa do të mbetet në fuqi dhe se Kosova nuk pranon kushte nga Serbia.

“Dialogu duhet të ndodhë i pakushtëzuar. Tarifa nuk do të hiqet sepse është një vendim legjitim i Qeverisë së Kosovës. Personalisht jam kundër që të hiqet tarifa. Por ashtu askush nga bashkësia ndërkombëtare nuk duhet të lejojë që Beogradi të vërë kushte për vazhdimësinë e dialogut. Kosova në asnjë rrethanë nuk do të pranojë kritere të reja për liberalizimin e vizave, heqjen e tarifës ose ndonjë proces tjetër”, ka theksuar presidenti Thaçi pas takimit që pati me këtë delegacion të hënën.


TË NGJASHME