HomeLajme

Tragjike/ Vriten dhe digjen 10 këngëtarë të muzikës popullore, midis tyre edhe fëmijë

Dhjetë këngëtarë të muzikës popullore janë qëlluar për vdekje dhe djegur në një pritë në Meksikën perëndimore që besohet të jetë kryer nga një kartel i drogës, thonë zyrtarët.

Anëtarët e grupit Nahuas po ktheheshin nga një koncert kur u sulmuan në qytetin Chilapa në shtetin Guerrero.

Viktimat, të gjithë burrat, ishin të moshës 15 deri 42 vjeç.

Karteli Los Ardillos, i cili shpesh shënjestron njerëz autoktonë në zonë, u fajësua për sulmin.

Zyra e prokurorit të Guerreros tha se po hetonte rastin.

Guerrero është një nga shtetet më të dhunshme të Meksikës, ku bandat e drogës luftojnë për kontrollin e rrugëve të trafikimit drejt Paqësorit dhe pjesëve të tjera të vendit. Los Ardillos kanë qenë të lidhur me dhjetëra vdekje muajt e fundit, përfshirë shumë njerëz vendas, sipas mediave lokale.


TË NGJASHME