HomeModa

Truke praktike që parfumi të zgjasë më shumë

Parfumi ka lindur me nevojën e njeriut për të patur gjithmonë erë të mirë.  Ka ardhur deri në ditët e sotme me një numër të pafund historish, miksurash, arritjesh dhe efektesh.  Ju njohim me 4 truke që do ju ndihmojnë që parfumi juaj të zgjasë deri ditën tjetër:

Mos eksperimentoni me aromat e ndryshme
Nëse pretendoni se do të ruani të njëjtën aromë gjatë gjithë ditës, ndërkohë që keni aplikuar mbi tre produkte të ndryshme, e keni gabim. Kjo është edhe aryseja që shumë ekspertë të kozmetikës këshillojnë që të mos eksperimentoni me aromat dhe fragrancat.

Një parfum për ditën dhe një parfum për natën
E dimë, jo të gjithë kanë mundësinë t’i lejojnë vetes një koleksion të tërë parfumesh, e duhet të kufizohen tek blerja e një të vetmi. Megjithatë, ekspertët këshillojnë që një grua të ketë gjithmonë dy parfume në çantën e saj : një parfum të lehtë për pjesën e paradites, dhe një parfum më të fortë kryesisht për pasditen e mbrëmjen, dhe ditët e ftohta.

Hidhni parfum në lëkurë dhe jo mbi rroba
Kini parasysh, parfumi duhet sprucuar gjithmonë mbi lëkurë dhe veshje, madje që të zgjasë sa më gjatë, duhet ta hidhni atë jo vetëm tek kyçet e duarve dhe qafa, por dhe në zona të tjera të ndjeshme të trupit si pjesa pas gjunjve, kërthiza dhe mbrapa veshëve. Venat që gjenden afër veshit dhe pas gjunjëve krijojnë nxehtësi duke e bërë aromën e parfumit më të fortë. Kurse aplikimi i parfumit tek kërthiza e hidraton atë dhe sjell baraspeshën e duhur që aroma të zgjasë më shumë.

Mjaft fërkuat kyçet e duarve sa herë që hidhni parfum
Ky është një nga ato truke që shpeshherë na rekomandojnë edhe shitëse të ndryshme, në dyqane parfumerie, në mënyë që të nuhasim sa më mirë aromën, pa e ditur që është tejet i kotë. Shmangeni këtë veprim pasi shpërbën dhe avullon molekulat e parfumit. Si rrjedhojë aroma nuk do të qëndrojë gjatë në trupin tuaj.


TË NGJASHME