HomePolitikë

Pritet vendimi/ Saimir Tahiri hyn në sallë i rrethuar nga mbështetësit

Trupi gjykues ka marrë vendimin për Saimir Tahirin, ish-ministër i Brendshëm. Gjykatësit e Krimeve të Rënda kanë dalë nga dhoma e këshillimit, ku qëndronin prej orësh, dhe janë drejtuar për në sallën ku ndodhet Tahiri dhe prokurorët. Pritet nga momenti në moment shpallja e vendimit për ish-ministrin.

Nga momenti në moment pritet që trupi gjykues të lexojë vendimin që ka marrë për Saimir Tahirin, ish-ministër i Brendshëm i Shqipërisë.

I akuzuari, Tahiri, është nisur drejt sallës së gjyqit në Gjykatën e Krimeve të Rënda i shoqëruar nga shumë mbështetës të tij. Më parë, ai u fotografua teksa priste i ulur në shkallët e gjykatës.

Gjykatësit kanë dalë nga dhoma e këshillimit dhe janë drejtuar për në sallën ku do të lexohet vendimi.

Prokuroria e Krimeve të Rënda ka kërkuar 12 vite burg për ish-ministrin, por me gjykim të shkurtuar kërkesa përfundimtare shkon në 8 vite. Prokuroria e akuzon Tahirin për tre vepra penale: “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.


TË NGJASHME