HomeLajmi i Fundit

Merret vendimi/ Vetëm 750 persona në ditë do kalojnë në Kakavijë, pasi të ketë plotësuar këto rregulla…

Pas vendimit të shtetit grek për të mbyllur pikën e kufitare të Kakavijës, Ministria e Jashtme bën me dije se si do të funksionojë më tej rregullorja për një kalim të kufizuar.

Vendimi për mbylljen e kufirit është i tillë, ku do të ndalohet kalimi në hyrje-dalje që prej orës 06:00 të mëngjesit të kësaj të premte, deri në datën 4.12.2020.

Por duke marrë parasysh se e vetmja pikë kalimi tokësor, është pika kufitare e Kapshticës, bëhet me dije se do të lejohet kalimi i reduktuar i qytetarëve, saktësisht 750 persona në ditë.

Këta persona përveç dokumentit të tamponit, ku duhet të kenë rezultuar negativ, ata po ashtu do të testohen në doganë përmes testimit të shpejtë dhe më tej do të duhet që të vetëizolohen për një periudhë 7 ditore, pasi në rast se nuk e bëjnë do të penalizohen me gjobë, vlera e së cilës është 5000€.

Po ashtu bëhet me dije edhe orari i lëvizjes në Kakavijë që është përcaktuar nga ora 7:00 deri në orën 23:00.

NJOFTIMI I PLOTË:

Deklarata e plotë mbi rregullat e lëvizjes 

Ministria për Evropën dhe Punët e Jashtme njofton në lidhje me kufizimet e hyrjes në rrugë tokësore të udhëtarëve drejt Greqisë, përfshirë pikat kufitare me Shqipërinë. Sipas vendimit të publikuar në Gazetën Zyrtare të Qeverisë greke:

Duke filluar nga dita e sotme, datë 20 nëntor 2020, ora 06:00 e mëngjesit, mbyllet pika kufitare në Kapshticë. Kushdo që ka hyrë nga kjo pikë në territorin grek para orën 6:00 të ditës së sotme, duhet të vetëkarantinohet një javë.

Lejohet kalimi i njerëzve, automjeteve, kamionëve në Kakavijë. Në rast kalimi, aplikohet vetëkarantinim i detyrueshëm një javor pavarësisht shtetësisë dhe në rast shkelje, do të aplikohet gjobë prej 5000€.

Orari i lëvizjes në Kakavijë është 7:00- 23:00 dhe vetëm 750 persona lejohen të kalojnë në ditë. Qytetarët që hyjnë në Greqi për nevoja absolute pune dhe dalin nga territori i saj, nuk do të kenë më mundësi të hyjë deri në përfundim të afatit të vendimit.

Për më shumë, qytetarët që hyjnë në Greqi, përveç paraqitjes së testit negativ PCR të kryer deri në 72 orë më parë, do të kryejnë edhe rapid test nga Njësi të Sekretariatit të Përgjithshëm të Mbrojtjes Civile dhe Organizatës Kombëtare të Shëndetit Publik të Greqisë. Personat që rezultojnë negativë, mund të hyjnë në vend dhe të shkojnë në destinacionin e tyre, në bazë të dokumentit PLF që do dorëzojnë.

Ky vendim vlen vetëm për kufijtë tokësorë, të lartpërmendur, ndërkohë që kufijtë ajrorë mbeten të hapur. Vendimi do të jetë në fuqi nga data 20.11.2020 – 4.12.2020.