Lajme Sport

Vidal nuk gjen qetësi, gjobitet 800 mijë euro

Nuk ka paqe për mesfushorin kilen, Arturo Vidal, i cili la Bayernin e Mynihut në verë, për t’iu bashkuar Barcelonës për shumën e 28 milionë eurove.

Së fundi Vidal është përballur edhe me një gjobë prej 800 mijë eurosh nga autoritetet gjermane, për një incident të ndodhur gjatë kohës kur luante për Bayernin e Mynihut.

Pas ndeshjes me Mainzin, më 16 Shtator të vitit të kaluar, Vidal kishte shkuar në një diskotekë së bashku me të vëllanë e tij, ndërsa më pas u përfshi në një sherr.

Mesfushori kilen goditi me një shishe vodka, njërin prej klientëve të lokalit, me të cilin edhe pati zënkën, ndërsa për këtë gjykatat gjermane e dënuan me gjobë prej 800 mijë eurosh.

Related posts

Kush janë personat që bashkëpunuan me grabitësit në Rinas

Mila

Tayna çmend Tajlandën me format e saj

Katalina

Eksportet e bujqësisë, Rama premton mbështetje

Mila
Na Kontaktoni!