HomeLajmi i Fundit

Vijon vaksinimi i mjekëve/ Mjeku Skënder Brataj merr dozën e parë: Do pres 21 ditë, por duhet të…

Vijon vaksinimi i stafeve mejkësore, në qendrën e vaksinimit në Stadiumin “AirAlbania”, ku Ministrja e Shëndetësisë dhe Mbrojtjes Sociale, Ogerta Manastirliu, ka qenë prezente.

Këtë paradite janë vaksinuar stafi i Urgjencës Kombëtare, mes tyre edhe dr. Skënder Brataj.

“Vaksina të siguron mbrojtje, do presim edhe 21 ditët që të bëjmë dozën e dytë. Por midis këtyre dy vaksinave duhet të vijojmë të ruhemi”, tha Brataj.

Manastirliu deklaroi se po vijohen intesivisht me vaksinimin e mjekëve dhe inferimerëve në të gjithë vendin dhe ditën e sotme janë planifikuar 500 vaksinime vetëm në Stadiumin ‘Air Albania’.

“Po vijojmë intesivisht me të gjithë ekipet tona. Po përfundon QSUT, Urgjenca Kombëtare, spitali Dibrës, Krujës, sot vetëm tek Arena Kombëtare vaksinohen më shumë se 500 punonjës të shëndetësisë, ndërkohë që vijon vaksinimi edhe për të moshuarit në shtëpitë e të moshuarve. Jemi në një moment pune intesive”, tha Manastirliu.


TË NGJASHME