Aktualitet Ekonomi Lajme

Vonesat për pagat e administratës, ja kë fajëson Ministria e Financave

ministria-e-financave

Vonesat për derdhjen e pagave në disa institucione, Ministria e Financave ia atribuon vetë institucioneve përkatëse, sipas të cilës nuk kanë paraqitur urdhër-shpenzimet.

Ministria e Financave dhe Ekonomisë se në bazë të ndryshimeve të udhëtimit të buxhetit 2019, pagesa e sigurimeve shëndetësore do të derdhet njëkohësisht me pagesën e borderosë.

“Ndërkohë, Drejtoria e Përgjithshme e Thesarit, po në bazë të këtij Udhëzimi, siguron zbatimin me rigorozitet të këtij rregulli të ri që prej muajit tetor 2019”, sqaron Ministria.

Deklarata e plotë:

Lidhur me lajmet që kanë qarkulluar në media për sa i përket vonesave te pagave të punonjësve buxhetorë sqarojmë se:

Vonesat e pagesës së pagave të disa institucioneve nuk kanë ardhur si pasojë e mosfunksionimit të sistemit të Thesarit, por për shkak të mos paraqitjes së urdhër – shpenzimeve nga ana e disa institucioneve.

Drejtoria e Përgjithshme e Thesarit është përgjegjëse për realizimin e pagesave në mënyrë të centralizuar, nëpërmjet sistemit informatik financiar të qeverisë. Për të zbatuar këtë detyrë DPTH aprovon shpenzimin në zbatim të kërkesave të kontrollit që burojnë nga aktet ligjore dhe nënligjore. Në zbatim të urdhrit të Ministrit, DPTH autorizon pagesën e pagave, vetëm nëse shoqërohet së bashku me deklaratën e pagesës së sigurimeve shoqërore.

Ministria e Financave dhe Ekonomisë është angazhuar në terma konkretë, duke realizuar një ndryshim në Udhëzimin e Zbatimit të Buxhetit 2019, përmes së cilit specifikohet se pagesat e sigurimeve shoqërore të institucioneve buxhetore do të kryhen njëkohësisht me pagesën e borderosë, dhe jo pas 20 ditëve si në parashikimin e mëparshëm.

Ndërkohë, Drejtoria e Përgjithshme e Thesarit, po në bazë të këtij Udhëzimi, siguron zbatimin me rigorozitet të këtij rregulli të ri që prej muajit Tetor 2019.

Ministria e Financave dhe Ekonomisë siguron qytetarët shqiptarë se ka ndërmarrë të gjitha masat e nevojshme, brenda hapësirave që lejon ligji, që cështje të kësaj natyre të mos cënojnë në asnjë formë ecurinë e buxhetit të shtetit dhe qëndrueshmërinë e indikatorëve bazë të ekonomisë.

Related posts

Brukseli kundërshton shtyrjen e Brexit deri me 13 qershor

Xhensila Gotanews

Idrizi takim me Haradinajn, flasin edhe për krizën politike

Mila

U gjet e pajetë në banesë, flasin fqinjët e 53-vjeçares

Xhensila Gotanews
Na Kontaktoni!