HomeLajmi i Fundit

Vriten 6 civilë në Siri, midis tyre edhe fëmijë

Të paktën gjashtë civilë janë vrarë të dielën në Sirinë Qendore, gjatë bombardimeve të forcave qeveritare dhe rebelëve, thanë aktivistët dhe media shtetërore, shkruan REL. Rebelët kanë bombarduar qytetin al-Suqaylabiyah në provincën Hama, duke vrarë pesë civilë, përfshirë këtu katër fëmijë, ka raportuar agjencia shtetërore e lajmeve, SANA.

Ushtria siriane është kundërpërgjigjur duke sulmuar rebelët në provincën Idlib, ka shtuar SANA. Shumica e territorit të provincës Idlib kontrollohet nga opozita në Siri, që kryesisht dominohet nga Hayat Tahir al-Sham, grup i afërt me al-Kaidën.

Vëzhguesi sirian për të Drejtat e Njeriut, organizatë me bazë në Londër, konfirmoi se rebelët kanë bombarduar qytetin al-Suqaylabiyah, që është nën kontrollin e forcave qeveritare dhe se nga këto bombardime janë vrarë gjashtë civilë.

Kjo organizatë tha po ashtu se edhe një civil është vrarë gjatë bombardimeve të forcave qeveritare në fshatin Shir Maghar, në provincën Hama.