HomeBotë

Vriten gazetarë të Radios Evropa e Lirë në Kabul

Të paktën 25 vetë, duke përfshirë 5 gazetarë, vdiqën në dy shpërthime të hënën në mëngjes në kryeqytetin afgan Kabul, sipas zyrtarëve të qeverisë.

Shpërthimi i parë u zhvillua rreth orës 8 në orën lokale në zonën Shashdarak të qytetit, ku ndodhen ambasada e SHBA-ve dhe ndërtesat e qeverisë afgane, duke bërë që gazetarët të nxiten në vendin e ngjarjes.

Shpërthimi i dytë erdhi nga një sulmues, që ishte maskuar si një kameraman. Ai shpërtheu eksplozivin në vendin e shpërthimit fillestar, tha zëdhënësi i Policisë së Kabulit Hashmat Stanikzai për CNN.

Pesë gazetarë nga mediat e  ndryshme vdiqën në sulmin, sipas Najib Sharifi, drejtor i Komitetit të Sigurisë Gazetarëve të Afganistanit.

Agjencia franceze e lajmeve Agence France Presse konfirmoi se fotografi i saj Shah Marai ishte midis të vdekurve.

45 persona të tjerë u plagosën në dy incidente dhe u dërguan në spitalet e qytetit, sipas zëdhënësit të Ministrisë së Shëndetit Publik Wahid Majroh.

Vendi i shpërthimit ishte afër selisë afgane të NATO-s, ambasadës amerikane dhe ndërtesave të qeverisë afgane, duke përfshirë pallatin presidencial, Ministrinë e Mbrojtjes dhe selinë e shërbimeve të inteligjencës në Afganistan/evropaelire.org


TË NGJASHME