Aktualitet Lajme

Zbardhet dëshmia e Alvin Berishës: Më qëllonin që të bëhesha ushtar

Alvin berisha

Pasi ka mbërritur në familjen e tij në Itali, zbardhet dëshmia e parë e vogëlushit shqiptar, Alvin Berisha, dhënë sot për mediat italiane.

“Ata më mësonin të bëja luftë. Gjithmonë më qëllonin dhe më bërtisnin se duhet të bëhesha ushtar. Më detyruan të flas vetëm në arabisht”, është shprehur vogëlushi Alvin Berisha.

Vogëlushi shqiptar u shpëtua nga kampi i ferrit “Al Hol”, në Siri, dhe mëngjesin e sotëm arriti të bashkohej me babanë dhe motrat e tij. Ai ishte çuar pesë vite më parë në Siri, nga nëna e tij, pasi kjo e fundit ishte bërë luftëtare e ISIS, por që u vra në një sulm të armatosur.

Pas vrasjes së saj, Alvini kishte mbetur i vetëm në mëshirë të fatit në Siri, por pas alarmit që dha emisioni investigativ italian “Le Iene”, ai arriti të shpëtohej falë bashkëpunimit të qeverisë shqiptare dhe italiane, por edhe Kryqit të Kuq, Gjysmëhënës së Kuqe dhe policisë.

Dëshmia e Alvinit është zbardhur nga media italiane “La Stampa”, e cila ndër të tjera shkruan se 11-vjeçari e ka harruar plotësisht italishten, pasi për pesë vite në Siri e ka pasur të ndaluar ta flasë.

“Alvini sot nuk e kujton fare italishten. Ai e kishte të ndaluar ta fshitë atë, ndërsa ishte duke u stërvitur për të luftuar për ISIS. Edhe emri i tij ishte ndryshuar: militantët xhihadistë e quanin Jusuf. Alvini ka kujtuar vetëm pak shqip, teksa iu ka thënë shpëtimtarëve që u shoqëruan për në Damask dhe më pas në Bejrut, Liban ‘Më ka marrë malli shumë për babanë’”, shkruan “La Stampa”.

Related posts

Kylie Jenner pozon për kalendarin e vitit 2019

Mila

Ambasada e SHBA-ve njofton qytetarët amerikanë: Evitoni…

Mila

Super detaje nga fejesa e Jennifer Lopez

emanuela
Na Kontaktoni!