Aktualitet Lajme Lajmi i Fundit

Zgjerohen hetimet pas krimit në Kavajë/ Pse u ripyet Marsida në Prokurori

Hetimet për krimin e rëndë që ndodhi në Kavajë, ku mbeti i vrarë me armë zjarri 41-vjeçari në banesën e ish-së dashurës, duket se do të zgjerohen edhe në fushën e narkotikëve.

Mësohet se Prokuroria i ka kërkuar veprime shtesë Policisë së Kavajës, pasi nuk kanë mbledhur prova të nevojshme për mbetjet e lëndës narkotike, të llojit kokainë, që u gjet në kuzhinën e apartamentit të Marsida Qatjas, ku u vra Dritan Haxholli.

Nga ana tjetër, vetë 30-vjeçarja, ka deklaruar para oficerit të Policisë Gjyqësore se është përdoruese e drogës dhe me raste të rralla përdor kokainë. Madje, ka deklaruar se edhe natën kur ndodhi ngjarja, ka përdorur kokainë, duke theksuar se nuk e kishte blerë ajo, por e ka gjetur në pjatë, ku e kishte vendosur miku i saj, Xhuljo.

Në dëshminë e saj pas krimit, Qatja ka pranuar në Polici se me viktimën ka pasur një lidhje, së cilës i kishte dhënë fund, por ai kërkonte sërish të kryente marrëdhënie me të.

Por në prononcime që ka dhënë përgjatë dy ditëve në media të ndryshme, ajo thotë të kundërtën. Për këtë arsye, Prokuroria e Kavajës e ka rimarrë në pyetje Marsida Qatjan, por edhe të gjithë personat e përfshirë në ngjarjen e ndodhur pas mesnate në apartamentin e 30-vjeçares.

marsida-me-djalin

Burime nga Prokuroria thanë se Qatja dhe miqtë e saj do të pyetën edhe për kokainën që kanë konsumuar në apartament./panorama.al

Related posts

Çmenduri në Kosovë, 2 milionë tifozë kërkojnë bileta për ndeshjen ndaj Çekisë

Mila

Edicioni Informativ, 17 Korrik 2019 – Gota News

Procodev Dev_Ang

Can Yaman flet për origjinën, nuk ua merrte mendja se çfarë thotë për ushqimet shqiptare!

Mila
Na Kontaktoni!