HomePolitikë

Zv.kryeministri: “Basha, politikani i parë që do shkojë para drejtësisë”

Pandëshkueshmëria do të marrë fund në këtë vend dhe Lulzim Basha është i pari që do të përgjigjet para drejtësisë.

Në këtë mënyrë Zëvendëskryeministri, Erion Braçe, reagoi dje lidhur me deklaratën e kreut të PD-së, Lulzim Basha, nga Divjaka, i cili tha se kriza politike zgjidhet vetëm me arrestime politikanësh. Braçe thekson se kreu i PD është një nga personat e parë në listë që do t’i përgjigjet ligjit, jo vetëm për pasuritë e pajustifikuara, shitjen e territorit shqiptarë, vrasjet e 21 janarit, por dhe për hetimin e fundit në SHBA dhe Shqipëri.

“Po në këtë vend duhet të marrë fund pandëshkueshmëria për politikanë, kriminelë me e pa organizim, biznesmenë të paligjshëm. Por ti je i pari në radhë; jo se dua unë kështu, por se ti ke vendosur cv-në tënde të parën në atë radhë”, shprehet zv.kryeministri. Në vijim, Braçe shton se “ke vjedhur si kurrkush aq sa nuk justifikon dot asgjë nga plaçka jote e pamasë, shpenzimet e tua të luksit; ke vrarë si dikush tjetër mu në mes të bulevardit dhe për shkak moshe, ai ta lëshon vendin me qejf; ke shitur këtë vend duke qeshur e pa t’u skuqur surrati na i shite shitjen për blerje territoresh edhe pse në humbëm territor e zeza në të bardhë; Je i vetmi tani që hetohesh paralelisht në SHBA e në Shqipëri për një krim që është më i rëndë se pastrimi i parave!”.

FUSHATA

Numri dy i qeverisë e ka akuzuar kreun opozitar për kronika të montuara në Divjakë dhe në të gjithë vendin, ndërkohë që është duke gëzuar pushimet verore. Braça tha se Basha nuk ka qenë në Divjakë, po ka montuar kronikën ndërsa vazhdon pushimet.”Lulzim Basha dje në Divjakë? E po mirë, po përgjigjem për të dyja edhe pse këtë është gabim ta marrësh seriozisht. E para, Lulzim Basha nuk ka qenë dje në Divjakë siç thanë të gjithë mediat vizive e portalet dje, gazetat sot! Ju thashë, Lulzim Basha e ka rrenën në ADN! Lulzim Basha ka qenë në Divjakë të enjten që shkoi. U habita që mediave të PD-së dhe mediave vendore u kish kërkuar të mos e bënin publike vizitën! Dje e kuptova, ky bën kronika televizive me shumicë për t’i gënjyer të gjithë me punën e palodhur në ditët kur nuk është fare! Lulzim, unë nuk e kuptoj pse të vjen turp të thuash që po pushon! Ja ku e ke rivalin për të drejtuar opozitën që po pushon dhe jo vetëm ia tregon ngjyra, por edhe e thotë publikisht çdo ditë!”, shprehet ai.

Po ashtu, Braçe shton se “është krejt njerëzore të pushosh! Është krejt njerëzore edhe të gënjesh siç bën ti! Po arsyen se gjej! Pse duhet të gënjesh kur pushon! Dhe nuk më plas hiç pse gënjen mediat më të mëdha në vend që të kanë ty kryelajm me rrena, por pse gënjen njerëzit, ata të opozitës se pari për një gjë krejt normale siç pushimet! Ti gjithë jetën ke shitur atë që s’je, po pse nuk zë mend tani që të gjithë e kanë kuptuar tamam se cili je?! Në anë tjetër, kur thërret njerëzit për mbledhje në vakt dreke, bëj atë që është njerëzore, merri për drekë; Mos ha veç ti e shpura e vogël e jotja, merri dhe ata, pak janë! Mos i lërë pa bukë herën tjetër!”, shprehet ai./panorama.al


TË NGJASHME